یانه‌ی به‌رشلۆنه‌ توانی دووباره‌ به‌ توندی بگه‌ڕێته‌وه‌ ڕكابه‌ری كردن له‌سه‌ر گرتنه‌وه‌ی پێشه‌نگایه‌تی ڕیزبه‌ند تایبه‌ت له‌ هه‌فته‌ی داهاتوو ڕووبه‌ڕووی یانه‌ی ڤالێنسیا ده‌بێته‌وه‌ كه‌ ئێستا پێشه‌نگداری خووله‌كه‌یه‌.

گێمی یه‌كه‌می یارییه‌كه‌ بێ گۆڵ به‌ كۆتا هات وه‌ ته‌نها یاریزانی یانه‌ی ئه‌تله‌تیك بیلباو فێرناندۆ ئامبوربیێتا به‌ كارتی سوور له‌ خووله‌كی 33ـدا كرایه‌ ده‌ره‌وه‌،له‌ خووله‌كی 55ـدا یاریزان سه‌یدۆ كێیتا توانی گۆڵی یه‌كه‌می یانه‌كه‌ی تۆمار بكات وه‌ له‌ خووله‌كی 74ـدا ئه‌ستێره‌ی یارییه‌كه‌ چاڤی هێرناندێز توانی گۆڵی دووه‌می یانه‌كه‌ی تۆمار بكات،یانه‌ی به‌رشلۆنه‌ تا دوا ساته‌كان كۆنتڕۆلی یارییه‌كه‌ی كردبوو به‌ر له‌وه‌ی یاریزان دێڤد ڤیا به‌ هۆی وه‌رگرتنی كارتی سوور كرایه‌ ده‌ره‌وه‌ و به‌مه‌ش یانه‌ی بیلباو بڕوایان به‌ خۆیان زیادی كرد و یاریزان ئیگۆر گابیلۆندۆ له‌ خووله‌كی 89ـدا تاكه‌ گۆڵی یانه‌ی بیلباوی تۆمار كرد،له‌ دوا ساته‌كانی یارییه‌كه‌ یاریزان سێرجیۆ بۆسكوێتس توانی گۆڵی سێیه‌می یارییه‌كه‌ تۆمار بكات.

به‌م ئه‌نجامه‌ش یانه‌ی به‌رشلۆنه‌ به‌ كۆ كردنه‌وه‌ی 12 خاڵ له‌ پله‌ی دووه‌مدا دێت وه‌ یانه‌ی بیلباو به‌ كۆكردنه‌وه‌ی 7 خاڵ له‌ پله‌ی 7ـدا دێت.