ه‌ستێره‌ی یانه‌ی به‌رشلۆنه‌ی ئیسپانی لیۆنێل میسی وا دیاره‌ ئاماده‌یه‌ بۆ یاری كردن دوای ئه‌وه‌ی له‌ یاری هه‌فته‌ی ڕابردوو به‌رامبه‌ر یانه‌ی ئه‌تله‌تیكۆ مه‌درید تووشی پێكان هات به‌ڵام پێده‌چێت به‌شداری له‌ یاری داهاتووی یانه‌ی به‌رشلۆنه‌ بكات له‌ خوولی چامپیۆنزلیگ به‌رامبه‌ر یانه‌ی ڕۆبێن كازان كه‌ بڕیاره‌ ڕۆژی چوار شه‌ممه‌ی داهاتوو له‌ ڕوسیا ئه‌نجام بدرێت.

ڕۆژنامه‌ی Sportـی كاتالۆنی بڵاوی كرده‌وه‌ كه‌وا میسی له‌ پێكهاته‌ی سه‌ره‌كی یارییه‌كه‌دا نابێت به‌ڵام ناوی له‌ لیستی یاریزانه‌كاندا ده‌بێت وه‌ ڕه‌نگه‌ له‌ گێمی دووه‌م به‌شداری له‌ یارییه‌كه‌ بكات.

ئه‌م گه‌ڕانه‌وه‌ خێراییه‌ی میسی گشت لایه‌كی تووشی شۆك كردووه‌ وه‌ لیۆنێل ئاماده‌ ده‌بێت بۆ یاری داهاتوویان له‌ خوولی لالیگا به‌رامبه‌ر یانه‌ی ڕیال مایۆڕكا.

له‌ لایه‌كی تره‌وه‌ ڕاهێنه‌ری هه‌ڵبژارده‌ی ئه‌ڕجه‌نتینی سێرجیۆ باتیستا بانگهێشتی میسی كردووه‌ بۆ ئه‌نجامدانی یارییه‌كی دۆستانه‌ له‌ مانگی ئۆكتۆبه‌ری داهاتوو.