ئه‌م ئێواره‌یه‌ له‌ میانه‌ی یاریه‌کانی قۆناغی پێش کۆتایی  یه‌کێتی  ڕۆژ ئاوای ئاسیا هه‌ڵبژارده‌ی ئێران به‌ ئه‌نجامی ٢-١ سه‌رکه‌وت به‌سه‌ر هه‌ڵبژارده‌ی عێراق  و خۆی گه‌یانده‌ یاری کۆتایی .. نیوه‌ی یه‌که‌می یاریه‌که‌ به‌ بێ گۆڵ به‌کۆتا هات له‌ نیوه‌ی دووه‌مدا له‌ خوله‌کی ٥٩ هه‌ڵبژارده‌ی ئێران له‌ ڕێگای یاریزان سه‌ید جه‌لال حسێنی به‌ گۆڵێک پێشکه‌وت به‌ڵام  مسته‌فا که‌ریم له‌ خوله‌کی ٧١ سه‌رکه‌وتووانه‌ ئه‌نجامه‌که‌ی یه‌کسان کرده‌وه‌ ، دواتر له‌ خوله‌کی ٧٦ محمد عه‌لی که‌ریم له‌لایه‌ن ناوبژیوانه‌وه‌ به‌ کارتی سور کرایه‌ ده‌ره‌وه‌ و ئه‌م ڕووداوه‌ش کاریگه‌ری خراپی له‌سه‌ر عێراقیه‌کان جێهێشت و دوای هه‌شت خوله‌ک و له‌ خوله‌کی ٨٤ محمد غلامی به‌ لێدانێکی به‌هێز هه‌ڵبژارده‌ی ئێرانی به‌ گۆڵێک پێشخست و سه‌رکه‌وتنی بۆ مسۆگه‌رکرد.