ڕاهێنه‌ری یانه‌ی به‌رشلۆنه‌ پیپ گواردیۆلا ، که‌ له‌ یاریه‌کانی ئه‌م هه‌فته‌یه‌ی خولی ئیسپانیدا یانه‌که‌ی له‌ یاری به‌رامبه‌ر ڤاله‌نسیا له‌  نیوه‌ی یه‌که‌م به‌ گۆڵێک له‌دوابوو به‌ڵام له‌ نیوه‌ی دووه‌م به‌شێوه‌یه‌کی سه‌رسوڕهێنه‌ر هه‌مووشتێک پێجه‌وانه‌ بووه‌ و توانیان کامپ نو بکه‌نه‌ دۆزه‌خ بۆ شه‌مشه‌مه‌ کوێره‌کان و یاریه‌که‌ ببه‌نه‌وه‌ .. گواردیۆلا بۆ ڕۆژنامه‌کان نهێنی ئه‌و سه‌رکه‌وتنه‌ گه‌وره‌یه‌ی نیوه‌ی دووه‌می شیکرده‌وه‌ و وتی : ماندوبونێکی زۆری ده‌وێت بۆ ئه‌وه‌ی یاریه‌که‌ی له‌و شێوه‌یه‌ ببه‌یته‌وه‌ ، هیچ شتێک به‌ڕێکه‌وت ڕوونادات ڤاله‌نسیا تیپێکی گه‌وره‌یه‌ و ناتوانیت هه‌ڵه‌ بکه‌یت به‌رامبه‌ریان له‌ پشووی نێوان هه‌ردوو نیوه‌که‌ به‌ یاریزانانم وت ده‌بێت بۆ زۆرترین کات تۆپ له‌ قاچیان بهێڵنه‌وه‌ و چێژ له‌ یاریه‌که‌ وه‌ربرگن هه‌روه‌ها پێم وتن ناتوانین هه‌موو یاریه‌ک به‌ ئه‌نجامی ٤-٠ ببه‌ینه‌وه‌  بۆیه‌ با به‌شێوه‌یه‌ک یاری بکه‌ین که‌ شایسته‌ی بردنه‌وه‌بین نه‌ک ته‌نیا به‌ ئه‌نجام براوه‌بین.