ئه‌مشه‌و له‌و یاریه‌ی که‌ ژماره‌ی ته‌ماشاکه‌ره‌کانی به‌ زیاتر له‌ ٤٠٠ ملیۆن که‌س خه‌مڵێنراوه‌ یانه‌ی به‌رشلۆنه‌ وانه‌یه‌کی مێژوویی زۆر سه‌ختیان دایه‌ مۆرینهۆ و ڕیاڵ مه‌درید دوای ٢٧ یاری بێ دۆڕان یه‌که‌م دۆڕانیان پێدانان .. یاریه‌که‌ هه‌ر له‌ سه‌ره‌تاوه‌ به‌ ئاستێکی به‌رزی به‌رشلۆنه‌ ده‌ستی پێکرد و یاریزانانی ڕیاڵ مه‌درید ترس و دڵه‌ڕاوکێیان پێوه‌دیاربوو که‌ ئه‌مه‌ش وایلێکردن به‌ خراپترین شێوه‌ ببینرێن  به‌ڕاده‌یه‌ک که‌ له‌ ماوه‌ی چه‌ند ساڵی ڕابردوو به‌و شێوه‌ نه‌بینراوه‌ . گۆڵێکی زووی به‌رشلۆنه‌  مه‌دریدی تووشی شۆک کرد کاتێک زاڤی هێرناندێز له‌ خوله‌کی ١٠ یه‌که‌م گۆڵی بۆ بلوگرانا هێنا  , دوای ئه‌و گۆڵه‌ ڕیاڵ مه‌درید هیچ کاردانه‌وه‌یه‌کیان نه‌نواند بۆ  خۆ سه‌لماندنیان  له‌ نێو یاریگا و هه‌ڵه‌ یه‌ک له‌ دوای یه‌که‌کانی هێڵی به‌رگری و  هێلی ناوه‌ڕاست دووه‌مین گۆلیشی له‌ خوله‌کی ١٧ هێنا  کاتێک پیدرۆ ڕۆدریگێز سودی له‌ تۆپێکی گه‌ڕاوه‌ی داڤید ڤیا وه‌رگرت و نیوه‌ی یه‌که‌م به‌و ئه‌نجامه‌ به‌کۆتاهات . هانده‌رانی لۆس بلانکۆس به‌و هیوایه‌بوون له‌ نیوه‌ی دووه‌م که‌ به‌ نیوه‌ی ڕاهێنه‌ران ناسراوه‌  پلانه‌ کانی خۆزێ مۆرینهۆ  گۆڕانکاری له‌ ئاستی یانه‌که‌ بکات به‌ڵام ئه‌و تۆزقاڵه‌ رووناکیه‌ی له‌ نیوه‌ی یه‌که‌م له‌ یانه‌که‌ بینرا ئه‌ویش نه‌ماو به‌ ته‌واوی ده‌ستبه‌رداری یاریه‌که‌بوون و داڤید ڤیا له‌ خوله‌که‌کانی ٥٥ و ٥٨ دوو گۆڵی تری تۆمارکرد و به‌ ته‌واوی ڕیاڵ مه‌دریدی تێکشکاند ، دوای ئه‌و گۆڵه‌ یاریه‌که‌ توند و تییژی زیاتری به‌خۆیه‌وه‌ بینی و ناوبژیوان چه‌ندین کارتی زه‌ردی به‌رزکرده‌وه‌  به‌ تێپه‌ڕبوونی کات یاریه‌که‌ به‌ هه‌مان ڕه‌وت مایه‌وه‌ که‌ کۆنترۆلی به‌رده‌وامی به‌رشلۆنه‌ و بێ ئومێدی و لاوازی ڕیاڵ مه‌درید بوو به‌شێوه‌یه‌ک به‌ درێژایی یاریه‌که‌ نه‌یانتوانی هیچ مه‌ترسیه‌کی ڕآسته‌قینه‌ له‌سه‌ر گۆڵی ڤیکتۆر ڤاڵدێز دروست بکه‌ن. به‌رشه‌ به‌وه‌نده‌ وازی نه‌هێنا و بێ ڕه‌حمانه‌ له‌ کۆتا خوله‌ک جێفرین دواین بزماری له‌ تابوتی مه‌درید و مه‌دریدیه‌کاندا .. به‌م ئه‌نجامه‌ش به‌رشلۆنه‌ له‌م وه‌رزه‌ بۆ یه‌که‌مجار پێشه‌نگی خوله‌که‌ی گرته‌ده‌ست و بۆ هه‌مووجیهانی سه‌لماند که‌ هێشتا به‌هێزترین یانه‌ی جیهانه‌.

بۆ بینینی گۆله‌کان ئێره‌ کلیك بکه‌

..