وا برِباره‌ له‌ 23ی مانگی داهاتوو له‌ شاری هه‌ولێر یه‌كه‌م پێشانگه‌ی نێوده‌وڵه‌تی بۆ وه‌رزش بكرێته‌وه‌ به‌ به‌شداریكردنی چه‌ندین كۆمپانیای تایبه‌ت به‌ وه‌رزش له‌ سه‌رتاسه‌ری جیهان، هه‌روه‌ها یانه‌ی به‌رشلۆنه‌ به‌شداری له‌م پێشانگایه‌ ده‌كات.

دكتۆر كامه‌ران ره‌هبه‌ری به‌رپرسی كۆمپانیای پارسیان، كه‌ سه‌رپه‌رشتی ئه‌م پێشانگایه‌ ده‌كات له‌ لێدوانێكی تایبه‌ت به‌ ئاژانسی (په‌یامنێر) گوتی: وا برِیاره‌ له‌ 23ی مانگی داهاتوو له‌ شاری هه‌ولێر یه‌كه‌م پێشانگه‌ی وه‌رزشی بكرێته‌وه‌، له‌م پێشانگایه‌ چه‌ندین كۆمپانیای جیهانی به‌شداری ده‌كه‌ن و یه‌كێك له‌ به‌شداربووه‌كان یانه‌ی به‌رشلۆنه‌یه‌.

هه‌روه‌ها گوتی: دوای گفتۆگۆیه‌كی زۆر له‌گه‌ڵ یانه‌ی به‌رشلۆنه‌ رێكه‌وتین، كه‌ یانه‌ی ناوبراو سێ یاریزانی به‌ توانای یانه‌كه‌ی ئه‌ویش هه‌ریه‌كه‌ له‌ زاڤی و پۆیول و ڤیكتۆر ڤاڵدیس بێنه‌ هه‌ولێر پایته‌ختی هه‌رێمی كوردستان بۆ ئه‌وه‌ی به‌شداری له‌م پێشانگایه‌ بكه‌ن و زیاتر له‌ 1000 درێسی تایبه‌ت به‌ یانه‌ی به‌رشلۆنه‌ به‌سه‌ر هانده‌رانی ئه‌م یانه‌یه‌ له‌ پێشانگایه‌ به‌ واژووی خۆیان دابه‌ش بكه‌ن.